54654

Година дена без премиери - следува реприза на српска серија на Алфа

 

"Село гори, баба се чешла" репризно на Алфа

 

Алфа телевизија без премиерна програма во прјамтајм и воопшто, без премиерна играна програма повеќе од година дена. Сите српски и турски серии поминаа можеби и неколку пати репризно, па сега следува уште една реприза на серија.

 

Selogori4

 

Алфа телевизија од следнава недела со репризирање на српската хит серија "Село гори, баба се чешла", која важи за една од најгледаните српски серии на сите времиња. Серијата има 89 епизоди, но поради големиот успех, сценаристот и режисер Радош Бајиќ решил да ја продолжи приказната, па затоа лани на првиот канал на Радио телевизија Србија беа емитувани и нови 12 епизоди, пред кои како најава одеше филмот "Браќа по бабина линија".

 

Selogori2

 

"Село гори, баба се чешла" е хроника на современото српско село. Поетска и сатирична приказна за жилавата борба за опстанок на селото, за домашните огништа во кои повторно се разгорува огнот. Но, најважно од се’ е приказната за малите, а големи луѓе од селото. Луѓето кои секогаш се жалат, ама и секогаш се први да помогнат, луѓето кои секогаш прво го покажуваат веселиот дух и хумор, а дури потоа гневот и лутината... Луѓето кои прво го плаќаат данокот и сметките на државата.

 

Selogori3

 

Во центарот на приказата е Радашин, селанецот од селото Петловац, чие семејство го сочинуваат неговата жена Радојка, синот Радослав со снаата Ингрид од Шведска и внукот Том, како и ќерката на Радашин, Милона со зетот Раденко и внуците Милица и Милутин.

Радашин времето го минува и со своите соселани и пријатели, Жота, Драгојло и Милашин со кои доживува низа интересни и хумористични случки кои ќе ги насмеаа до солзи српските гледачи, а сега и македонските телевизиски гледачи.

 

Selogori1

 

Во главните улоги настапуваат Драган Николиќ, Радош Бајиќ, Милорад Мандиќ, Мирко Бабиќ, Лилјана Стјепановиќ, Мира Бањац, Сузана Манчиќ и др.

 Серијата на Алфа ќе се репризира од понеделник до петок во 20.30 часот, заменувајќи ја репризата на "Луд збунет нормален".

 

Дани | ТВ Пакет

DNK 300x250

AL 300x250

VM 300X250 Minj

Ексклузивно

  • 1
  • 2
  • 3
Prev Next

Bannerprimetime

Телевизија

Забава

МК Сцена

Единствен телевизиски информативен портал во Македонија © ТВ Пакет 2009 - 2012