54654

Во репризите на Алфа, време е за „Девојката со име Фериха“

 

"Девојката со име Фериха" повторно на Алфа

 

На местото на репризата на "Рането срце", следува уште една реприза на турска надсинхронизирана серија и тоа "Девојката со име Фериха" која ќе се емитува од понеделник до петок во 18:15 часот. Емитувањето на Фериха по втор пат не е чудно, затоа што последнава година Алфа телевизија емитува исклучиво репризи на веќе прикажани турски и српски серии.

 

Feriharepriza3

 

"Фериха" е уште една љубовна турска теленовела која ги популаризираше младите актери Хазал Каја и Чагатај Улисој кои настапуваат во улогите на Фериха и Емир. Поради големиот успех на серијата, таа доживеа и продолжение наречено "Патот на Емир" но продолжението не беше прифатено од публиката и доживеа само неколку епизоди. Во продолжение, потсетете се на трагичната приказна за девојката која се викаше Фериха :

 

Feriha2

 

Содржина:
Фериха Јилмаз е млада и убава девојка, порасната во сиромашна фамилија заедно со нејзините родители и братот. Нејзиниот татко Риза работи како домар во едно богато инстанбулско предградие, а нејзината мајка Зехра како чистачка, па така семејството добива мало станче во тоа предградие. Живеејќи во тој подрум, Фериха сонува еден ден да има скап мобилен, скап автомобил, да патува низ светот како што прават богатите околу неа.

 

Feriharepriza2

 

Нејзиниот живот се менува кога добива стипендија за да студира на приватен универзитет. На факултетот сите мислат дека Фериха потекнува од богато семејство затоа што живее во богато предградие и носи скапа облека, а всушност таа носи алишта од богатите соседи. Кога нејзиниот татко доаѓа на факултетот за да и донесе нешто, Фериха се засрамува и ги лаже новите соученици дека тоа е стражарот кој работи за нејзиното семејство.

 

Feriha1

 

Една лага повлекува и друга и така заслепена од дијамантите, постојано запаѓа во лаги за да го скрие своето вистинско потекло пред другите богаташи. Фериха само сака да го победи проклетството дека е родена сама, дека живее осамена и дека ќе умре сама. Ја има само љубовта и пријателството во замена за илузијата дека му припаѓа на свет што ги отфрла сиромашните девојки.

 

Feriharepriza1

 

Во новиот свет, Фериха го запознава згодниот богат плејбој Емир и започнува врска со него. Но она што тој не го знае е дека Фериха е сиромашна девојка и дека цело време го лаже. Љубовта на Фериха и Емир ќе биде доведена во прашање кога Емир ја открива тајната на девојката со име Фериха.

Улоги: Hazal Kaya (Фериха), Çağatay Ulusoy (Емир), Vahide Gördüm (Зехра), Metin Çekmez (Риза)

 

Дани | ТВ Пакет

AL 300x250

VM 300X250 Minj

Ексклузивно

  • 1
  • 2
  • 3
Prev Next

Bannerprimetime

Телевизија

Забава

МК Сцена

Единствен телевизиски информативен портал во Македонија © ТВ Пакет 2009 - 2012