Интервју со девојката што блесна на „Х Фактор“

 

Тамара Милановиќ (25) од Мајур кај Јагодина со изведбата на баладата од британската пејачка Адел „Don’t You Remember“ ја расплака Емина Јахович, судија во „X Factor“. Студентката од Белград зборува за впечатоците од натпреварувањето.

 

 

– Веднаш по настапот, на телефонот и на социјалните мрежи почнаа да ми стигнуваат честитки и пофални зборови. Се надевам дека ќе стасам на сите да им одговорам, вели Тамара.

Како се чувствуваше кога Емина заплака?

– И јас сум понекогаш многу емотивна, па не бев имуна на солзите на Емина. Плачев по настапот. Таа прва почна (се смее).

 

 

Од каде љубовта кон музиката?

– Љубовта кон музиката постои долго, не паметам точно како и од каде. Денес сакам и слушам различни изведувачи, но не можам да издвојам правец или стил кој ми е омилен. И се восхитувам на Адел, ја почитувам нејзината работа веќе долго време и многу, многу сакам да ги пеам нејзините песни. Првите сеќавања за пеењето ги поврзувам со детските денови, на улица во Мајур, со соседите имавме натпревар во пеење, ми се чини еднаш неделно.
 

По што ќе го паметиш својот прв јавен настап?

– Моето прво појавување беше на 12 години во детска емисија. Музиката ја засакав од брат ми Дуле, кој свири гитара. Почнав да пеам со него. Сепак, првиот сериозен ангажман беше настапот во емисијата „Јас имам талент“.

 

 

| ТВ Пакет