Лондон ќе и подигне споменик на Вајнхаус!

Според насловите што осамнаа на таблоидите во Велика Британија, бронзената статуа на Ејми Вајнхаус наскоро би можела да биде поставена во близина на местото каде што таа живеела во Лондон.

 

 

„Споменикот не би бил поставен пред 2013-та година, но за оние што ја сакаа нејзината музика тоа би било нешто навистина посебно. Споменикот ќе биде изработен од бронза, во природна големина, и ќе биде поставен на балконот, пред барот Roundhouse. Сакаме да делува како Ејми да се потпира на балконот, и не гледа сите нас“, вели Мич Вајнхаус, татко на починатата пејачка.

Куќата во која Ејми живееше, неодамна се најде на продажба, нејзината цена изнесува 2,7 милиони фунти.

 

 

 

Martin M. | ТВ Пакет