Поради пласманот и силното лоби, Австралија и оваа година на Евросонг

 

Dami Im – Sound of silence (Австралија)

 

Сите мислевме дека минатогодишното учество на Австралија ќе трае само една Евровизија, бар така ни велеа главните луѓе од ЕБУ. Но, поради одличните резултати и силното лоби кое што го имаат, ЕБУ реши и годинава да бидат дел од Евровизија но овој пат не директно во финале, туку како и останатите земји да се борат за влез во финале и тоа во второто полуфинале во кое беа извлечени да настапат.

 

 

Како и претходната година, така и за оваа важи дека во случај на победа на Австралија, Евровизија ќе се оддржи во некоја од поголемите земји учеснички.

Dami Im е Корејско-Австралиска пејачка и текстописец. Таа е родена во Јужна Кореја, но имигрирале во Австралија заедно со својата фамилија на девет години. Таа ја започнала музичката кариера како госпел пејачка во Кореја и независно го објави својот прв деби албум, Dream, во 2010 година.

 

 

Три години подоцна, Im победува на петтата сезона на X Factor Australia и веднаш склучи договор со Sony Music Australia. По победата на X Factor, го објавува својот победнички сингл Alive, и вториот албум насловен по неа самата. Третиот албум Heart Beats го објавува во 2014 година и станува глобален хит и бележи успеси ден денеска на австралиските топ листи.

 

Дани | ТВ Пакет