Појраз од „Добрина“ го следимме паралелно и во уште една серија

Огун Каптаноглу е успешен 45-годишен турски актер кој од неодамна го следиме во улогата на Појраз во серијата „Добрина“ на Сител. Појраз е богат човек кој живее со својот син и својата мајка.

Ја запознава Дамла, која веднаш му се допаѓа, но не ни сфаќа во каква игра се впушта. Меѓутоа, плановите на Дамла се нарушени од Неслихан која станува закана за нивната врска доколку ја открие вистината за Дамла. По бурните настани на кои бевме сведоци во последните епизоди, останува да видиме како ќе се развива нивната врска во следните, последни продолженија од мега хитот.

Но, актерот ни е познат и како Ресул од серијата „За семејството“. Ресул е татко на Берк и сопруг на Ајла.  Како што вели Каптаноглу, има многу сличности со Ресул и се радува на успехот на серијата, а со колегите од сетот одлично се сложувал иако им се придружил во подоцнежните епизоди.

А кога го прашавме што мисли за Појраз од “Добрина”, тој одговори: „Многу од сериите на кои работев беа историски. Можам да кажам дека оваа улога ми беше многу привлечна во однос на враќањето на современите приказни.”.

Тој е лиценциран кошаркар и наградуван пливач, има голема страст за морето и се занимава со нуркање, професионално планинарење, возење мотор… Сè на сè, тој е вистински авантурист и ја персонифицира поговорката – „здрав ум во здраво тело“!

Дани | ТВ Пакет