Турската комедија „Убавата селанка“ започнува на Сител

 

Насмејте се со убавата селанка, нова серија на Сител

 

Од понеделник до петок на Сител телевизија започнува новата турска љубовна комедија “Убавата селанка”. Се работи за серија снимена во 2014 и 2015 година, а во главната улога ја гледаме актерката, позната од сериите “Опасна убавина” и “Има ли надеж?”. Во продолжение ве запознаваме со содржината на серијата :

 

 

Ѓул е млада и убава девојка која живее во Истанбул и работи во компанија за козметика. Еден ден таа запаѓа во голема неволја; дознава дека важна пратка биа испорачана на погрешна адреса, воедно доцни за на работа, заглавена е во сообраќајот, лаже дека во моментот е во компанијата и завршува удирајќи со колата во онаа на нејзиниот шеф. Лошата среќа ја следи и наредниот ден кога повторно задоцнува на важен состанок, и’ паѓа телефонот во чаша со млеко и и’ ја “дигаат” колата која е всушност на нејзиниот дечко. Како резултат на сите несреќи, момчето Каан и’ раскинува, а шефот ја отпушта од работа.

 

Истовремено, во едно село, живее баба Султана, жената која сите ја почитуваат во селото, во кое секој со секого е пријател и животот им поминува во игра и забава. И токму кај таа баба Султана стигнува пакетот со козметика при што бабата помислува дека козметичките производи се подарок од нејзината внука. Но, селаните не веруваат дека тоа е така, затоа што Султана никогаш не била мажена, никој не се сеќава дека имала и дете, а не па внука. Но, тогаш им се јавува Ѓул и кажува дека се работи за погрешна адреса на испорака на пакетот и им ја дава нејзината адреса за да го вратат пакетот.

 

 

Селаните решаваат писмото од баба Султана во Истанбул да го однесе Џемал. Џемал заминува за Истанбул, каде случајно се запознава со Ѓул и се вљубува во неа на прв поглед, не знаејќи дека таа е божемната внука на баба Султана. Се враќа во убавото село Ѓузелкој, со умот во облаци, мислејќи на Ѓул и верувајќи дека таа е неговата прва и голема љубов.

 

Исто и Ѓул, откако ќе го добие писмото од селаните, решава да сврти нов лист во нејзиниот живот и да замине да живее на село, па и да ја запознае жената која си замислила дека и е баба. Заминува во селото, подготвена да се запознае со тамошните жители и подготвена да заборави на се’ лошо што и’ се случи во градот. Убавата девојка од градот станува селанка, живеејќи по новите правила во новото место и прилагодувајќи се секојдневно на различни ситуации.

Улоги : Gizem Karaca, Berk Cankat, Mehmet Ali Nuroğlu, Ahmet Mümtaz Taylan, Zerrin Sümer, Erkan Sever

 

 

Дани | ТВ Пакет