Хрватска серија со македонска актерка на Алфа

Хрватска серија со македонска актерка од утре на Алфа

Од утре на Алфа телевизија конечно започнува долгонајавуваната хрватска серија “Тајни”. Она што е специфично за оваа серија е што главната улога ја толкува македонската актерка Јелена Јованова која доби многу пофалби од критиката и публиката во Хрватска. И не само она, туку целата серија наиде на одличен прием кај хрватската публика која смета дека се работи за најдобрата хрватска теленовела. Партнер ја Јелена во новелата и е хрватскиот актер Филип Јуричиќ, познат на македонската публика по улогите во „Љубов во офсајд“ и „Изборот на Лара“. 

Содржина:
Во позадината на сите приказни, во кои се вплеткани семејствата Франиќ и Шепер, се наоѓа семејното богатство кое е закопано во 1943 година во шумата покрај куќата на богатото семејство Шепер. Токму оа закопано богатство е извор на злото надвиено над двете семејства.
Марина Франиќ е млада и убава девојка која израснала во сиропиталиште. Поради финансиски проблеми на сиропиталиштето, Марина одлучува да се врати на имотот на нејзиниот татко кој и припаѓа според наследството и таму да побара помош од чичко и Иван. Иван успеал со туѓо богатство да изгради хотел и тој сега чувствува грижа на совест поради тоа што го убил таткото на Марина и дозволил Бригита да ја испрати внуката во сиропиталиште. Поради тоа решава да и помогне на Марина и и дозволува на неа и на децата од сиропиталиштето да живеат во куќата. На имотот доаѓа и Никола Шепер, полициски инспектор кој се крие под лажен идентитет за да ја открие вистинста за неговото семејство и за смртта на неговата мајка. Марина и Никола се вљубуваат еден во друг и постепено почнуваат да ги откриваат страшните тајни на нивните семејства и на проколнатото богатство.

“Тајни” има 140 епизоди кои на Алфа ќе се прикажуваат од понеделник до петок во 22 часот, со реприза следниот ден во 16:30 часот. 
Од утре се менуваат термините на сериите Сестри и Амбис на љубовта. Турската “Сестри” ќе се емитува од сега во 18:15 часот, а мексиканската серија “Амбис на љубовта” во 5 часот наутро.

Дани Петковска | ТВ Пакет