Џон Мекинро го најавува преносот на US Open 2017 на Еуроспорт

 

Тениската легенда Џон Мекинро го најавува преносот на УС Опен на Еуроспорт преку две видеа кои го промовираат преносот на „сите екрани“ (all screens) и воедно ја нагласуваат богатата историја на турнирот. Џон Мекинро четири пати победи на УС Опен, а во својата сјајна кариера има освоено вкупно седум Гранд Слем награди. Од 28 август ќе биде дел од екипата на Еуроспорт во Њујорк на овогодишното издание на престижниот турнир.

 

 

 Во првото видео, Џон Мекинро седи во салонот JP Barber Shop во Бруклин, со желба да му направат посебна фризура за УС Опен. После испробување на неколку стилови, се одлучува за „трајна“ црвена трака – стил кој самиот го носеше во доцните седумдесетти. Во продолжение Џон Мекинро чека во истиот берберски салон во Њујорк и гледа тенис на мобилниот телефон, а неговиот пријател го прашува што прави.

 

 

Збунетиот пријател не може да поверува дека Џон го следи тенискиот натпревар во живо од неговиот мобилен телефон. Мекинро му објаснува дека денес е возможно да се гледа тениски натпревар во живо на Еуроспорт и тоа на телевизија, онлајн, на таблет или на мобилен телефон.

 

 

Антонио Руиз, потпретседателот на маркетинг во Еуроспорт изјави: „Сакавме да направиме реклама која ги обединува забавната и традиционално богатата страна на Њујорк, а за тоа не постои подобар човек од Џон Мекинро. Тој го познава овој град и неговите жители како и историјата на турнирот.“ Еуроспорт ќе пренесува 250 часа тенис од УС Опен во живо и ексклузивно во делови од Европа (не-ексклузивно во Австрија, Чешка, Луксембург, Швајцарија) преку телевизиски канали, Eurosport Player и на eurosport.com. Сите терени и сите натпревари ќе бидат достапни на Player.

 

 

 Покрај Џон Мекинро, стручниот тим на Еуроспорт во Њујорк го сочинуваат Борис Бекер, Мет Виландер, Барбара Шет , Алекс Кореџа и Кончита Мартинез. Виландер и Шет преку целиот турнир го водат својот дневен магазин – Game, Schett & Mats. Тука е и Патрик Муратоглу, супер тренерот кој Серена Вилијамс ја водеше низ нејзината  кариера. Патрик во Њујорк во емисијата The Coach (Тренер) за гледачите на Еуроспорт ќе ја анализира играта и стратегијата на најдобрите тениски играчи.

 

Дани | ТВ Пакет