За ваше задоволство, потсетете се како започна „Калимеро“

 

“Калимеро, нема правда” секој викенд во цртаниот блок на Сител телевизија

 

Ова лето во викенд цртаниот блок на Сител, потсетете се на популарното пиле Калимеро од истоимената детска серија од 90-тите, овој пат во ново руво.

 

 

Првото испилување во шеесетите беше за италијански бренд на детергенти и сапуни, за веќе во седумдесетите да биде пренесен во анимирана серија. Вистинската слава сепак ја доживува во 1992 година кога излегува втората серија од франшизата за несреќното црно пиле, единстено такво во семејство на жолти пилиња.

 

 

Славниот цртан јунак Калимеро, по повод своето 50 годишно постоење се враќа на малите екрани со нова 3Д анимирана серија. Иако и понатаму се движи со лушпа од јајце на глава, повторувајќи дека се е неправда, Калимеро сепак многу се сменил.

Во духот на новото време веќе не се препушта на меланхолијата, туку ги зема работите во свои раце и наоѓа решенија. Тука се повторно неговата девојка Присила, зелената птица Валеријано, богаташката Сузи, Розела итн.

 

 

Новата серија е создадена во италијанско – француско – јапонска продукција и има 106 епизоди во траење од по 11 минути. Сител телевизија за своите најмали гледачи им овозможува ова лето да се потсетат на авантурите на Калимеро, во повторното емитување од првата епизода.

 

Дани | ТВ Пакет