Шведската крими серија „Злосторства од страст“ во 22 часот на МТВ 1

 

“Злосторства од страст” – нов шведски трилер на МТВ 1

 

 

Серијата е работена според криминалистичките романи на познатата шведска писателка Марија Ланг, а дејството се одвива во волшебно убавата и автентична шведска област Бергслаген. Секоја од епизодите е одделна криминалистичка приказна во која ги следиме животите на двата главни лика, додека истражуваат убиства, кои се секогаш злосторства од страст. Низ серијата ќе ги проследиме животите и настаните на интересните ликови во овој возбудлив трилер, проткаен со љубов, интриги, секс, тајни, предавства и убиства. 

 

Во првата епизода, еден професор ја поканува Пук да го прослават празникот во неговата викендичка на еден остров. Меѓу поканетите пријатели е Ејнар Буре, со кого Пук е во тајна врска, и само заради него ја прифатила поканата. Во убавата и заводлива летна ноќ, се зголемуваат еротските тензии меѓу гостите на островот. По романтичниот излет со Ејнар, Пук открива дека една од гостинките е убиена. Што ќе се случува понатаму, гледајте на првиот канал на Македонската телевизија од понеделник до петок во 22 часот.

Улоги: Тува Новотни, Линус Валгрен, Ола Рапас, Сузана Дилбер

 

Дани | ТВ Пакет