Предавство, епизода #44 |Alevosía

 

Нати го посетува Алберто и искрено го прашува дали сака да биде со неа или Лусија. Алберто и признава дека бил збунет, дека Лусија му се нашла додека се разведувал со Трини, но дека е вљубен само во неа. Нати среќна што е така се помирува со вереникот.

Младата Сеси и признава на својата мајка дека Октавио само сакал да ја искористи и дека малку фалело да ја силува.

Рано следното утро, Лусија му се заканува на Октавио дека ќе го отпушти на следниот собир на акционери. Но, Октавио дрско и враќа да не лета пред време, бидејки со повлекувањето на Ферер никој не знае кој е новиот акционер и на чија страна истиот ќе стои.

Истовремено, Малвина Салвадор, сопственичката на клиниката Аква Вива прославува што станала нов акционер во клиниката Нуева Вида.

Густаво случајно дознава дека неговата нова газдарица Малвина е и новата акционерка на клиниката на Лусија.

Густаво ја известува Лусија за она што го дознал и Лусија се прашува што има таа жена да се меша во нејзината клиника?

Нати и Алберто излегуваат на заеднички ручек и тој ја спомнува нивната венчавка, но Нати го моли да не брза, да дозволат времето да одреди.

Густаво го започнува првиот работен ден во новата клиника и шокиран е кога ќе запознае човек кој е идентичен како покојниот Игнасио Соријано.

Андрес Соријано кој всушност е идентичен брат близнак на Игнасио, доаѓа во вилата на Лусија за да разговара со своите внуци. Во куќата ја затекнува само Анхелес која со полно срце збори за саканиот татко, притоа потенцирајки дека таа била секогаш неговата омилена ќерка.

Лусија дознава дека доња Инес ја назначила Трини за своја заменичка во акционерското друштво на клиниката и тоа ја разбеснува. И префрла на својата сестра дека ја користи состојбата на нивната мајка за да манипулира со неа.

Густаво доаѓа на разговор кај Малвина Салвадор да разговара во врска со неговиот отказ од новата клиника, но Малвина му нуди позиција како шеф на хирургија, нешто што Густаво нема да може да одбие.

Нати е новата адвокатка која ќе ја држи страната во бракоразводната парница меѓу Анхелес и Дарио откако мајката на Дарио, Хулија ќе го побара тоа од својата пријателка.

Кога Анхелес ќе дознае која адвокатка ќе ги брани страните на нејзиниот сопруг се заканува дека ќе и се одмазди.

Чоле и Сеси доаѓаат до заклуок дека сите работи почнале да и се случуваат на доња Инес откако Анхелес се вратила во вилата и дека голема е шансата зад сето тоа да стои уште една перверзна манипулација на Анхелес.

Голем пресврт на акционерскиот состанок во клиниката, каде што Лусија ќе биде турната од тронот. Октавио и Анхелес Соријано се избрани за нови лидери на Нуева Вида.

Анхелес е изненадена од предлогот на својата тетка Трини, токму таа да ја води клиниката.

 

продолжува