Летна книжевна авантура на „Пулсот и времето“ на Ана Јовковска

 

Брануваме со книга на Охридското езеро – летна книжевна авантура на „Пулсот и времето“ на Ана Јовковска во Струга и Охрид. На пат околу светот со книга!

 

 

Овој пат наша дестинација се Струга и Охрид, градот на поетите и градот на лебедите. Промотивната турнеа на книгата „Пулсот и времето“ на Ана Јовковска, во издание на Силсонс – читателскиот клуб на Матица македонска, после Скопје, Велес, Тетово и Штип продолжува 80 милји околу Охридското езеро. Аванурата почнува во Струга, на 24 јули, петок, во 20 часот на Летна Сцена во Центарот за култура „Браќа Миладиновци“.

 

 

Другиот ден, 25 јули, сабота, исто така во 20 часот, Јовковска и промоторите ќе брануваат во Охрид, во едно од најубавите и најстарите кафулиња во градот – „Аквариус“ .

Рецензенти на книгата се Ферид Мухиќ, Елизабета Шелева, Венко Андоновски, Никола Ристановски, Дејан Дуковски и Александар Прокопиев.