The Bridal Night – Идните невести одбираа совршен фустан

 

Петтата модна ноќ на невестите под мотото „ REAL VENUE FOR REAL BRIDES“ , вчеравечер ја отвори ревијата на салонот за венчаници „Зиане“ со креација која ја носеше познатата тв водителка Милена Антовска во „Скопје Мериот хотел“.

„Инспирацијата за колекцијата ја добив замислувајќи ги идните невести како од спортската дневна линија на облекување се трансформираат во гламурозен изглед за специјалниот најубав ден во животот“, објаснува дизајнерката Зиане Бакиу.

Веднаш потоа Наташа Карчева од ателјето „Ал Апарел“ ги прикажа креациите од „Timeless beauty“ за кои вели „акцентот е ставен на женската силуета која суптилно се назира во прозрачните материјали: француската свила, најмекиот тул, богато везени тантели и цврсти брокати надополнети со многу рачно изработени детали. Цветните принтови и 3Д форми повторно ги надополнуваат лелеавите здолништа.“

 

 

„Elizabet design studio“ инспирирано од животната енергија симболично ја нарече новата колекција „ВИГОР“. Автентичен авангарден израз за невести кои имаат личен стил, смели да се вклопат во современиот стил на живеење каде покрај естетиката важен е и комфорот. Изборот на материјали е внимателно селектиран и придонесува оваа година венчаниците да бидат во винтиџ стил, осовремен со модерен израз. На овогодинешниот „The Bridal Fashion Night“ учество земаа и ателјето „Vlora&Kaltrina“ како и косовската модна куќа „Менакон“ која вчеравечер претстави гламурозна колекција наречена „BROF“ со раскошни венчаници низ кои се прелева палета од бои и луксузни материјали. Вечерта во организација на Моден викенд Скопје ја затвори ревијата на дизајнерката Јасмина Дракул.

 

„Инспирацијата за колекцијата ја црпев од моќноста и уникатноста на гламурозните венчаници и тоалети на кралските семејства, поврзана со лежерниот романтизам со цел да се долови тој гламурозен изглед на нашите постори по кој многумина мечтаат. Моите креации ја претставуваат жената која е нежна а моќна, вистинска кралица на својот посебен ден.“, вели Дракул. За несекојдневната цветна декорација на просторот се погрижи Јагода Пачемска од арт-студиото за цвеќе „Фа-Бу“ и „Casamento“. „Скопје Мериот хотел“ е местото со дизајнерски уреден и високо стилизиран ентериер што на свадбената веселба и дава есктравагнатен амбиент.

Сите брачни двојки кои ќе ја организираат прославата токму таму, добиваат ексклузивен подарок- првата брачна ноќ да ја поминат во една од уникатните соби во хотелот. Природна минерална вода „Пелистерка“ традиционално е официјална вода на настанот и верен поддржувач на македонската мода а винаријата „ Ezimit“ ексклузивен партнер за сите венчавки. Коктелите ги мешавме со „Pelinkovac“. Манекенките ги разубави официјалниот партнер за фризура „Revlon Professional“ во соработка со Студио Арт Сретен Костиќ, како и „Radiant Professional“ -официјален партнер за шминка на петтиот „The Bridal Fashion Night“ во соработка со Едукативниот центар „Карирера Плус“ . Официјален партнер за убавина оваа сезона се „CRUSH“- уникатен пилинг од кафе за лице и тело. „Ottimo handmade“ – лептир машни и џебни марамчиња рачно произведени во Македонија на стилот му даваат уникатен печат. Партнер во сите љубовни приказни – „Sigma Jewelry“. „ Casamento“ е задолжено за комплетно организирање на свадбениот ден. „Moet&Chandon“ останува присутен во сите важни моменти во животот. „Peugeоt“ постојано го нуди најсоодветното возило за идните семејства кое ќе ги задоволи барањата и на најпребирливите клиенти. „ Големата посетеност на модната ноќ на невестите (The Bridal Fashion Night) уште еднаш ни покажа дека на Македонија и треба ваков настан и дека идните невести со уживање го одбираат својот омилен фустан. Презадоволни сме од реакцииите на публиката и учесниците на настанот.“, велат организаторите.