И утро со репризи на Алфа со документарната „Слики од животот“

 

Нова реприза на невидените “Слики од животот” на Алфа

 

Документарната серија „Слики од животот“ имаше за цел да ги документира, раскаже и визуелно наслика луѓето, местата и нивните приказни, но и ни откри понекоја нова информација, куриозитет врзан за тие локации и луѓе, кои се недоволно презентирани во јавноста. Секое утро во 7 часот, повторно репризи од документарката за верските празници на селаните.

 

 

Оваа серија всушност е замислена како еден вид лична карта за местата и луѓето покрај кои минуваме, но не застануваме да ги видиме и слушнеме. Секоја епизода беше составена од неколку приказни врзани за луѓето и за просторот во кој живеат, но и за големите верски празници кои ги празнуваат.

На почетокот од секоја епизода го лоцираме градот/селото околу кој гравитираат луѓето. Ако градот/селото има старо, автентично сочувано јадро специфично, Алфа разговараше со локалните жители кои ја знаат историјата на тоа место, ги познаваат старите семејства и нивните куќи и раскажуваат интересни случки врзани за таа микролокација. Оттаму приказната се шири во куќите и дворовите, во шталите и нивите на оние кои се во центарот на нашето внимание – луѓето.

 

 

Низ многу македонски села ги слушнавме животните приказни на селаните, дознавме нешто повеќе за нивното секојдневие, за работата, за спокојниот селски живот, но и за случките кои го обележале нивниот живот. Во секоја епизода беа опфатени од 3 до 4 села од секој регион со што се покажа нивниот менталитет, јазик, обичаи и спецификите на луѓето од тој крај до гледачите. Големите верски празници на кои се собираат многу верници беа исто така тема во секоја епизода. Дел од службата, изјавата од свештеникот/монахот и разговорите со верниците го прикажаа заедништвото на народот и обединувачкат улога на црквата.

 

 

Гледачите имаа можност да слушнат интересни животни приказни од сите делови на Македонија, видоа села и области за кои можеби никогаш не слушнале, а видоа и обичаи и црковни служби полни со духовност и мистика.

Целта на документарната серија „Слики од животот“ е да документира и спаси од заборав животните приказни кои досега не биле медиумски раскажани, да покаже места кои малкумина ги посетиле и виделе, а во себе кријат вистински богатства, да ги доближи духовните вредности кои ги проповеда христијанството, да го објасни значењето на празниците, но и да ја прикаже силната верба на луѓето кои одат во храмовите за време на празниците.

 

 

Дани | ТВ Пакет