BBC го продава телевизискиот центар!

Британскиот јавен сервис BBC наводно ја прифатил понудата на компанијата Stanhope за продажба на Television Centre, објкетот кадешто се сместени легендарните продукциски студија. Според порталот TeVe, телевизискиот центар е продаден за 200 милиони фунти.  

BBC Television Centre официјално е отворен на 29. јуни, 1960. година во западниот дел на Лондон. Центарот е еден од најпрепознатливите објекти од овој тип, а воедно и еден од најголемите на светот. Компанијата Stanhope има намера од овој центар да направи деловен и малопродажен објект, и забавен центар.

 

BBC Television Centre е речиси празен, а целосно ќе биде испразнет до крајот на следната година. Вработените во продукцијата ќе се преселат во новите објекти во Салфорд во близина на Манчестер, во Велс, и во централниот комплекст на BBC во Лондон – New Broadcasting House.

BBC ја најави продажбата на овој објект уште во јуни минатата година поради намалениот буџет и трошоците од работата. Од телевизијата тогаш најавија дека главна цел им е зголемувањето на вредноста на објектот, но и на самиот сервис. Побарувачката на вакви објекти во Лондон е голема поради недостатокот на атрактивни места како што е самиот BBC Television Centre.

 

 

 

Chris | ТВ Пакет