Шведска за Евровизија ќе одвои само 12 милиони евра

Како што велат од Expressen, наредното издание на Евровизија ќе чини 12 милиони евра. Да се потсетиме дека идната Евровизија ќе биде одржана во Малме, град на југот од Шведска, а Малме Арената ќе ја нагости публиката од цела Европа низ двете полуфинални вечери на 14. и 16., и финалето на 18 мај.

Минатогодишната Евровизија во Баку чинеше речиси 50 милиони евра (без цената за изградбата на Кристалната сала), а 58. Евровизија во Шведска ќе биде четири пат „поевтина“. Но, како што вели шефот на шведската Евросонг делегација, Кристер Бјоркман, Евросонгот во минатите години бил преголем во сите можни аспекти – преголемата арена и сцена направиле ситуација да главните ѕвезди на вечерта, пејачите бидат прикажани како мали на екраните. Тие сакаат да ја вратат Евровизија онаква каква што беше до минатите четири-пет години. Според тоа може да очекуваме дека Евровизија 2013 ќе биде најслична на онаа во Хелсинки 2007 (сличен буџет, речиси еднаква сала). „Малме и покрај малиот буџет ќе организира сјајно натпреварување во мај 2013.“ – додаде Бјоркман.

DarkShadow | ТВ Пакет