„Нашето здравје не е играчка!“, препорачаа глувите лица

Поради недостиг на акустичка перцепција, глувите лица во здравствените инстиуции се соочуваат со низа потешкотии. Клубот за демократско учество при ДУЦОР „Партенија Зографски“ преку видео кое го подготви има за цел да ја подигне свесноста за проблемите со услугите во здравствениот систем и да понуди решение за аспектите кои ги засегаат глувите лица.

Членовите на клубот се обратија и кон Министерството за здравство со соодветни препораки за подобрување на услугите од здравствениот систем и барање за одржување на состанок.

Видеото е изработено на иницијатива на учениците членови на Клуб за демократско учество во ДУЦОР „Партенија Зографски“ кои сакаат да придонесат за подостапни здравствени сервиси за глувите лица и на знаковен јазик. Во подготовката на видеото беа поддржани од Младински образовен форум, Млад знак и Фондација за демократија на Вестминстер.

Подготовката на ова видео е поддржана од Иницијативата за демократија на Западен Балкан, програма на Фондацијата за демократија на Вестминстер. Содржината на ова видео не ги одразува ставовите или мислењата на Фондацијата за демократија на Вестминстер или Британската влада.

Дани | ТВ Пакет