Слушнете ја песната со која наши композитори ќе одат на Евровизија

Поради тоа што МРТ втора година по ред се откажа од учество на најголемиот светски музички фестивал – Евровизија, македонските автори својата среќа ја побараа во другите земји. Песната на Дарко Димитров и Ада Скитка – Fire fighter за Грузија ќе ја пее Nutsa Buzaladze.

Од 300 пристигнати песни во Грузија, токму песната на нашите композитори е избрана за Евровизија и истата беше претставена вчера пред грузиската публика. Одговорен за уметничкиот настап во Малме ќе биде американецот Сагив Карпел, кој претходно има работено осум години на Америка има талент и моментално работи на Американски идол.

Иако МРТ истакна дека нема заинтересираност кај нашите композитори да испратат песна, со ова се докажува дека интересот на нашите автори е голем, но МРТ им ја ускрати можноста две години по ред да направат песни за нашата земја. Поради оваа одлука ни останува да навиваме за нашите автори и да им посакаме да влезат во големото финале во Малме, Шведска.

Стискаме палци за македонските автори на Евровизија.

Дани | ТВ Пакет