Видео | За чии очи пее Ивона Јо во нејзината нова песна?

После само 4 месеци од објавувањето на песната ,,Друго”, нашата пејачка Ивона Јо реши на македонската јавност да и подари уште едно музичко парче.

,,Тие очи” е насловот на новата песна, која воедно е и втор сингл на Ивона за оваа година. Песна која со сигурност ќе стане голем хит, со оглед на тоа што веќе има илјадници прегледи на Јутјуб.

Ова е модерна поп-песна со побрз ритам, соодветна за топлите летни денови.

,,Пресреќна сум што создадовме песна и спот, кои се исполнети со брз ритам и убава енергија. Тоа е дефинитивно она што најмногу ни треба во овој период. Ова го правам за мојата душа и за сите вас. Знам дека со секоја песна сум чекор поблиску до вашите срца” – вели Ивона.

,,Тие очи” добија и видео спот кој е под режисерската палка на Мартин Трајановски, снимен во прекрасниот Охрид, со талентираниот Стефан Биков, а како огромно изненадување за сите нас, позади текстот се потпишува Тамара Волческа – девојката која дефинитивно ги пишува најубавите текстови. Музиката е на Zox, Димитар и Јордан Манов, а аранжманот на Јордан Манов.

,,Тие очи ми го осветлија патот. Тие очи ме милуваа секогаш кога немав ништо за себе. Тие очи ме направија сакана. Тие очи ме сакаа. Пронајди ги и милувај ги “твоите очи” – додаде Ивона.

Дани | ТВ Пакет