Црна Гора се враќа на Евровизија; време ли и за Македонија ?

Црногорската телевизија РТЦГ објави правилник за конкурсот за Монтесонг и со тоа го потврди големото враќање на Црна Гора на Евросонг во 2025 година. Се очекува ова натпреварување да биде национално финале на Црна Гора за избор на песна за Евросонг 2025 година.

Документот ги потврдува сите правила што уметниците мора да ги почитуваат за да учествуваат на Монтесонг 2024 година. Сите песни мора да бидат испратени до 1 октомври 2024 година. Секоја песна мора да биде најмалку 51% – или повеќе од половина – на еден од официјалните јазици на Црна Гора. Секој уметник кој сака да настапува мора да има и црногорско државјанство.

Потоа следува работата на комисија формирана од радиодифузерот, која ќе ги разгледа пријавените и ќе избере најмногу 16 песни за конкурсот. Секоја песна ќе се оценува со систем на бодови, со што се даваат максимум 50 поени за композиција, 30 поени за текст и 20 поени за продукција. Тоа значи дека секоја песна може да освои најмногу 100 поени.

Сепак, песните мора да освојат најмалку 75 поени од овој процес за да стигнат до фазата на натпреварување. И ако ниту една песна не го достигне овој праг, документот на RTCG потврдува дека радиодифузерот има право внатрешно да ја избере својата песна за Евросонг 2025 година.

Montesong 2024 сè уште нема потврден датум, но името сугерира дека настанот ќе се одржи пред крајот на оваа година. Тоа значи дека Црна Гора би можела да биде една од првите, ако не и прва земја која би избрала претставник за Евровизија.

Дали по враќањето на Црна Гора и најавите за враќање на Босна и Херцеговина, треба да очекуваме и дека Македонија ќе се врати на големата сцена на Евровизија?

Фановите го бараат тоа, а на потег е Македонската радиотелевизија која треба да го следи примерот на Црна Гора и да веќе ги воспостави правилата за избор на песна на Евровизија 2025. Стискаме палци!

Дани | ТВ Пакет