ТВ Пакет Единствен телевизиски информативен портал во Македонија
Со Меѓународен поетски митинг на платото пред Музејот на современа уметност во Скопје, заврши 63. издание на Струшките вечери на поезијата на кое учествуваа 25 странски и 50-тина домашни поети.
Највисоките фестивалски признанија „Златен венец“, „Браќа Миладиновци“, „Мостови на Струга“ и „Млада Струга“ беа врачени на манифестацијата „Мостови“ на францускиот поет Жан Пјер Симеон, македонската поетеса и книжевен теоретичар Катица Ќулавкова, германската писателка Катрин Пиц и младата поетеса Филипа Сара Попова.
„Сигурен сум дека поезијата е од суштинско значење за сите луѓе, не само за оние кои ја создаваат или проучуваат. Поезијата мора да биде дел од нашите животи и самиот свет ќе биде подобро место за живеење доколку таа е постојано во нашите срца и во нашиот ум“, изјави Жан Пјер Симеон, добитник на „Златен венец“ за 2024 година.
Дани | ТВ Пакет
