„Амбисот“ на Алфа отиде во амбис

 

Укината мексиканската серија “Амбис на љубовта” на Алфа телевизија

 

 

Од вторник (8. април) на програмата на Алфа телевизија повеќе не се емитува мексиканската теленовела „Амбис на љубовта“. Гледачите се прашуваат: дали е ова дефинитивно укинување на серијата и дали и Алфа телевизија почнува да го прави тоа?
 
Досега, серијата смени неколку термини, но сите овие месеци го задржи нискиот рејтинг на гледаност. Прво започна во 17:45, попладневен термин за ваква теленовела. По дваесетина епизоди, Алфа почна да ги сецка епизодите и од една епизода да прави две, притоа давајќи делови од претходната и од следната, па гледачите не знаеја која епизода воопшто оди на телевизија. По реакцијата на гледачите, Алфа ја продолжи серијата во регуларно времетраење од по 45 минути, но ја префрли во 10:20 часот наутро. Во тој термин, серијата се задржа подолг период, но од пред две седмици повторно смени термин и времетраење. Отиде во 11:10 часот, но затоа пак епизодите повторно беа сецкани од страна на Алфа па така една епизода изминативе денови траеше по 20 минути.
 
По сите овие турбуленции кои го снајдоа Амбисот се случи и нејзино исчезнување од програмата на Алфа и тоа без никаква најава. Веќе неколку дена ја нема во програмата, гледачите се збунети, а од Алфа нема никакво известување. Во телевисиката програма и за оваа и за следната недела си стои серијата во 11:10 часот, но од неа… ни трага ни глас.

Нискиот рејтинг сигурно не е причина за укинување на серијата затоа што во тој случај би требало да ја укинат и „Дневникот на Фериде“ која не достигна поголема гледаност од 2% засега.

 

 

 

Дани Петковска | ТВ Пакет