Црна Гора е прва држава што ќе избере претставник за Евровизија 2025

По пауза од две години, Црна Гора ќе има свој претставник на Евровизија 2025 година во Базел, Швајцарија.
РТЦГ распиша јавен конкурс за избор на композиција за претставникот на Црна Гора на овој музички натпревар, а конкурсот ќе трае до 1 октомври.
Како што рече на денешната прес-конференција директорот на фестивалот Данијел Алибабиќ, ќе бидат претставени 16 натпреварувачки композиции.

Најдобрите ќе ја претставуваат Црна Гора на најпознатиот европски музички натпревар што ќе се одржи во Базел.
„Изведувачите мора да бидат црногорски граѓани, а авторите можат да бидат од целиот свет. Тоа ќе биде продукциски потфат каков што Црна Гора никогаш досега не го видела“, рече тој.
Алибабиќ е полн со оптимизам и верува дека фестивалот ќе заживее.
„Би сакал да има традиција како хрватската Дора и да биде во тој опсег. Верувам дека сцената ќе биде спектакуларна“, убеден е тој.

Тој е убеден и дека Црна Гора ќе има претставник кој ќе влезе во финалето.
„Тоа што ќе се појават на фестивалот, каде што ќе бидат платени за целиот настап, е доволна стимулација за изведувачите. Тоа ќе биде вистински спектакл“, вели Алибабиќ.
Според него, Здружението на естрадни изведувачи на Црна Гора се потрудило на фестивалот да има тим од луѓе кои ќе се занимаваат со графички дизајн и осветлување.
Ќе има и проби, за пејачите и екипата да поправаат се што не им се допаѓа и што би смениле, ако сакаат“, рече тој.

Уметничкиот директор Владана Вучиниќ најави дека процесот на оценување на композициите ќе биде транспарентен и евровизиски: по принцип половина публика – половина жири.
“Во жирито ќе има локални музичари и музичари од странство. Ќе го направат еминентни автори“, откри таа.
Вучиниќ изјави и дека фестивалот најмногу ќе го финансира Здружението на естрадни изведувачи, а РТЦГ е во улога на копродуцент.
“Сакаме да им дадеме на музичарите поддршка и можност да се претстават. Имаме малку музичари и ги охрабрувам сите да се појават. Би сакале да слушнеме различни музички стилови. Има место за сите на сцената”, рече Вучиниќ.
Таа ги охрабри особено младите изведувачи да се пријават на конкурсот.
“Финансиите отсекогаш биле нашиот најголем проблем. Мораме да им дадеме поддршка на младите музичари, а ова е вистинска можност“, рече Вучиниќ.

На прашањето дали Министерството за култура и медиуми покажало интерес за фестивалот, Вучиниќ одговори негативно.
„Засега немаат. Но, се надеваме дека ќе ја добиеме наклоноста на институциите“, заклучи Вучиниќ.
Со изборот во ноември, Црна Гора прва ќе избере претставник, најчесто тоа беше Албанија која својот фестивал го одржува кон крајот на декември.
За разлика од РТЦГ, МРТ засега нема никаква најава за враќање на евровизиската сцена на Македонија.

Дани | ТВ Пакет