ТВ Пакет Единствен телевизиски информативен портал во Македонија
Колку и да е суров светот, секогаш има луѓе кои докажуваат дека доброто ќе победи. Инспиративна приказна за девојка која го започнала својот живот како губитник, која немала ништо друго освен својот гнев, но му возвратила на тешкиот живот така што станала успешен хирург.
Ејлул сега е успешен неврохирург којa ги надминалa големите пречки во животот за да стигне таму каде што е. Нејзиниот ментор Али Асаф, нејзината инспирација и прва љубов, се враќа во нејзиниот живот кога почнуваат да работат во истата болница.
Романсата повторно се разгорува меѓу двајцата доктори, а нивното минато е тоа што ќе ги разделува, но и спојува постојано.
Ејлул е во потрага по вистината за една трагедија од нејзиното минато. Пред дванаесет години, нејзиниот живот бил уништен кога нејзината мајка извршила самоубиство.
Останала во немилост на нејзиниот злобен татко и маќеа, по што била испратена да живее кај нејзината баба во Мармарис. Токму таму се запознала со Али Асаф од кога и започнала нивната голема љубов. Но, уште една несреќна околност ги менува нејзините планови и ја руши нејзината среќа.
За време на операција во болница, нејзината баба умира, поткопувајќи го нејзиниот оптимизам дека може да стане врвен хирург. Патиштата со Али Асаф ѝ се разидуваат, а сега години подоцна, повторно ги спојува местото во кое ќе работат и ќе ја обноват нивната љубов. Но, доаѓањето на Ејлул во таа болница не е воопшто случајно. Тоа е местото каде починала нејзината баба под нејасни околности и токму сега таа ја има шансата да ја открие вистината и да ги казни одговорните за таа смрт.
Улоги : Öykü Karayel (Ејлул), Gökhan Alkan (Али Асаф), Ege Kökenli (Бахар), Ali Burak Ceylan (Огуз) и др.
Дани | ТВ Пакет
