ТВ Пакет Единствен телевизиски информативен портал во Македонија
„На чекор до рајот“ е документарен серијал што отвора врати кон најавтентичните приказни скриени зад селските порти, планинските патеки и древните обичаи.
Секоја сабота на пладне со Канал 5 ќе патуваме низ места каде културата сè уште дише, традицијата се негува со гордост, а вкусот на домашната храна носи спомени што не си ги знаел дека ги имаш. Секој чекор е средба со луѓе што зрачат со топлина, со занаетчии чии раце раскажуваат, со рецепти што се пренесуваат од генерација на генерација.
Ова не е само патување низ просторот туку и низ времето кон корените, кон вредностите, кон сето она што нè прави тоа што сме. Ќе го слушнеме звукот на старата песна, ќе го почувствуваме мирисот на тазе испечен леб и ќе видиме како обичниот ден во едно мало место може да изгледа како вечност.
Од високите планини до тивките езера, од глинени садови до шарени носии, секоја епизода е честичка од мозаикот наречен македонска душа. Серијалот го поврзува минатото со сегашноста, а локалното го издигнува на ниво на универзална убавина.
Дани | ТВ Пакет
