Фестивалите Skopje sounds good и Skopje calling сепак ќе се одржат

– Нашиот став е дека никогаш не треба да се предадеме и дека ако престане да се свири и пее, престанува и животот.
Поради тоа, заедно со нашите спонзори- стратешки партнери, одлучивме двата фестивала SKOPJE SOUNDS GOOD и SKOPJE CALLING коишто беа откажани поради деновите на жалост и поради катастрофата во Тетово, да се одржат во форма која е единствено возможна во овој момент – соопштија од Авалон продукција.

Па така, SKOPJE SOUNDS GOOD, со скоро непроменет line up ќе се одржи на 29-ти октомври, со настапи на BUČ KESIDI, NIPPLEPEOPLE и FUNK SHUI, а утредента на 30-ти октомври ќе се одржи македонско издание на SKOPJE CALLING исклучиво со домашни диџеи и тоа: GALOSKI, CYRILLIC, CHRIS J и JANA SLAYY. Со вакво одржување на SKOPJE CALLING не само што ќе имаме можност за добра забава, туку и на македонските артисти им се дава шанса да настапуваат под овој сериозен фестивалски бренд.

Влезниците ќе бидат пуштени во продажба во четврток (07-ми октомври) во 09 часот наутро, во строго ограничен број по следниве цени:

SKOPJE SOUNDS GOOD- 700 денари
SKOPJE CALLING – 500 денари
Блок влезница (за двата настана)- 900 денари

Skopje Sounds Good и Skopje Calling ќе се одржат согласно актуелните протоколи за одржување на јавни настани.

Дани | ТВ Пакет