ТВ Пакет Единствен телевизиски информативен портал во Македонија
Откако оваа година се случи скандалот со исфрлање на Холандија од финалето на Евровизија 2024 во Малме, и тоа за првпат во историјата на ден пред финалето, поради инцидентот на нивниот претставник и продукцијата, Холандија најави дека нема да учествува на Евровизија во 2025. Шансите беа огромни, но ЕБУ заедно со комисијата која ја формираа донесоа промени на неколку нивоа на Евровизија од кои беа задоволни и останатите земји ученснички. На Холандија и беше дадено време до први ноември 2024 да донесе одлука дали ќе учествува на Евровизија 2025 во Базел, Швајцарија.
Но, AVROTROS националниот сервис на Холандија неколку дена пред рокот изјави дека се враќаат на Евровизија без пауза и го објави процесот за конкурсот за учество. Добиени се 331 песна, од кои комисијата на националниот ТВ сервис до крајот на јануари на внатрешен избор ќе го одлучи претставникот и песната за 2025. Според Корналд Маас, познат холандски водител и коментатор на Евровизија, кој зборуваше за булеварот RTL, тој веќе ги преслушал сите 331 песна. Маас откри дека постои една специфична песна која се издвојува и изгледа подготвена да победи на натпреварот.
Маас, искусен евровизиски експерт широко признат за неговата вклученост на фестивалот, го опиша процесот на селекција како особено предизвикувачки оваа година, со оглед на различниот опсег на музички стилови и теми меѓу пријавените. И покрај богатството на прикажани таленти, тој нагласи дека една песна сјае над останатите и изгледа како силен кандидат за победа. Комитетот на крајот ќе го избере холандскиот влез за Евровизија 2025 година, а одлуката се очекува да биде објавена во наредните недели.
Откако го објавија ова, тие исто така го кажаа и новиот датум од кога композиторите може да праќаат песни за наредната Евровизија. Од први август 2025 година се отвора новиот конкурс на кои може да се пратат песните кои би ја претставувале Холандија на Евровизија 2026. Со ова Холандија е прва земја која го потврдува учеството за 2026 година, дури и многу сигурна во победата. За разлика од нив, Македонија трета година по ред нема да учествува на Евровизија и со тоа се крати можноста нашите автори да земат учество на било каков конкурс, и затоа тие учествуваат на конкурсите во земјите од регионот, па дури и пошироко одовде.
Дани | ТВ Пакет
