ТВ Пакет Единствен телевизиски информативен портал во Македонија
Серијата Lawmen: Bass Reeves ќе биде достапна за стримување ексклузивно на платформата SkyShowtime од 18 декември, а нови епизоди ќе се објавуваат секој понеделник. Во антологиската серија играат извршниот продуцент и кандитат за Emmy Дејвид Оујелоуво, Лорен И. Бенкс, Деми Синглтон, Форест Гудвил, Бери Пепер, добитникот на почесен Oscar Доналд Сатерленд, и кандидатот за Emmy Денис Квејд.
Откривајќи ја досега нераскажаната приказна за најлегендарниот полицаец на Стариот Запад, Lawmen: Bass Reeves го следи патувањето на Ривс (Оујелоуво) и неговиот подем од заробеништво па сѐ до вработување во полицијата како првиот црн Американец маршал западно од Мисисипи. И покрај тоа што приведува повеќе од 3000 престапници во текот на својата кариера, беџот има тежина и тој се бори со моралната и духовната цена што ја плаќа неговото сакано семејство.
Lawmen: Bass Reeves е сосема нова, самостојна антологиска серија која ќе има идни продолженија и наслови кои ќе следат други легендарни полицајци и престапници кои влијаеле врз историјата.
Во екипата играат Џоакина Калуканго, Лони Чавис, Грантам Колеман, Тосин Морохунфола, Дејл Дики, Роб Морган, Рајан Онан, Маргот Бингам, Мо Брингс Пленти, Џастин Хурт-Данкли и Бил Доис. Шеј Вигам и Гарет Хедлунд се јавуваат како гости.
Lawmen: Bass Reeves е најновото дополнение на сериската понуда на Шеридан достапна за стримување на SkyShowtime што ги опфаќа: 1883, 1923, Mayor of Kingstown, Special Ops: Lioness, Tulsa King и Yellowstone.
Услугата SkyShowtime им е достапна директно на корисниците преку апликацијата SkyShowtime на Apple iOS, tvOS, уредите на Android, Android TV, Google Chromecast, LG TV, Samsung и преку веб-страницата: www.skyshowtime.com.
Месечната цена на SkyShowtime е 5,99 евра(без реклами), со седумдневен бесплатен пробен период – откажи во секое време.
Дани | ТВ Пакет
