ТВ Пакет Единствен телевизиски информативен портал во Македонија
По најголемиот спектакл кој Авалон продукција успешно и светски го организираше во Охрид овој викенд, на социјалните мрежи се огласи сопственикот на продукцијата и најголем “виновник” за урбанизирање на публиката во Македонија.
Во продолжение прочитајте го неговото обраќање, а ТВ Пакет продолжува и понатаму да ги поддржува најголемите, да биде со најдобрите, да ги возвишува највеличествените и да ги промовира супербрендовите.
” Да напишам некој збор додека ме држи лутината.
Таа во последно време ми проаѓа брзо, и тоа ме нервира!
Полесно е да направиш во Мариово Формула 1 отколку да организираш овде ваков концерт, по ваква ,,величествено сељачка агенда” каква што имаше овој објект пред концертот на Lenny Kravitz, што го доведе во прашање вчерашното негово организирање.
Искрено, да се направи ова вчера беше невозможна мисија! Никогаш не сум бил погорд на луѓето од Авалон и оние кои работеа за Авалон што воопшто успеавме да го направиме она синоќа!
Немојте да заборавите дека ни беше забранет влез на стадион до сабота до полноќ, бидејќи имаше ексклузивен концерт на мега ѕвездата Ацо Пејович, кој е толку ексклузивен да уште во Долно Коњари нема пеено – во Горно секако дека има! Неколку пати.
Бидете горди што бевте дел од ова вчера и споделувајте го ова видео, ве молам, да видат колку не’ има!
Не ја оставаме земјава на простаклукот, шундот и кичот!
Не’ има сепак повеќе од сите нив заедно цела оваа претешка недела!
Бобан Милошески”
Капа долу, маестро Милошески. Културната, паметната и нормална публика твори и ужива со она што само Авалон знае да го организира и понуди како програма.
Сите останати може да продолжат со хејтот, да кршат чаши и флаши, и секако да ги коментираат сите домашни и светски настани на ФБ како нели најголеми експерти во секоја област.
Дани | ТВ Пакет
