„Мисија“, британска историска драма во петок попладне на Телма

Јужна Америка, 18 век. Две големи колонијални сили, Шпанија и Португалија, се натпреваруваат за превласт над домородците. Нивната империјалистичка природа гледа можност за трговија со робови и со природните ресурси на Индијанците, а од друга страна, језуитските мисионери сакаат да ја воспостават својата религија и култура.

Мендоза (Р. Де Ниро), ја носи идејата за освојувач и кога заради својата сакана сопруга го убива својот помлад брат Фелипе, тој оди во мисијата каде што отец Габриел (Џ. Ајронс) го пречекува да го откупи неговите гревови и искупи за неговото злосторство служејќи во мисијата. Со текот на времето, Мендоза ја гледа убавината на начинот на живот на Индијанците, ги прифаќа и набрзо станува борец за нивните права.

Мисионерите сонуваат за општество во кое крстените домородци ќе живеат во хармонија со Шпанците и Португалците, но колонијалните водачи ја сметаат оваа можност опасна и се залагаат за потчинување на домородците и сакаат да ја уништат мисијата …

Филмот беше номиниран за Оскар за режија, монтажа, музика, костимографија и кинематографија, а престижната награда му припадна на директорот на фотографија Крис Менгес; филмот исто така освои неколку Златни глобуси, БАФТА награди и ја освои Златната палма во Кан и многу други. Петок, Велики Петок, Телма, 16.15 часот.

Дани | ТВ Пакет