МРТ 3 ќе го прикаже ретро финалето на Вардар – Пелистер од 1993 година

Уживање за спортските носталгичари. Во сабота (23 мај 2020), третиот спортско-забавен канал на Македонската телевизија ќе емитува извонреден финален натпревар меѓу фудбалските клубови Вардар и Пелистер, одржан далечната 1993 година. Финалето во Купот на Македонија е најава на Македонската телевизија за многу следни ретро натпревари, кои ќе имаат можност да ги проследат гледачите на МРТ 3.

сабота, 23 мај, 16.00 часот :  ВАРДАР-ПЕЛИСТЕР – (Куп на Македонија финале 1993)

Репризните емитувања се на полноќ ноќта сабота кон недела, во 8 и во 16 часот во недела на 24 мај, и во понеделник на 25 мај во 8 часот наутро.

Невидена атмосфера на Градски во Скопје. Рекордни 20 000 посетители. По осамостојувањето на Македонија, ова беше најголем настан во тоа време и настан кој до ден денес се памети.

По завршувањето на мечот, тогашниот претседател на републиката, Киро Глигоров, му го врачи победничкиот пехар на вардаровиот капитен, Љупчо Марковски – Калц.

Дани | ТВ Пакет