Српскиот квиз „Столици“ секое попладне на ТВ 24

Српскиот квиз “Столици” започна со емитување на ТВ 24, од понеделник до петок во 17.45 часот. Многу смеа и добра енергија, многу точни, но и неточни, забавни и откачени одговори следуваат во секоја нова емисија на шоуто. Гледачите ќе научат нешто ново, ќе ја збогатат својата општа култура и ќе запознаат некои места во Србија, кои ќе ви ги презентира екипата на квизот.

Прашањата се поделени во три категории по тежина, а секоја категорија има своја вредност на награди за даден точен одговор, 1000, 2000 или 3000 динари. Секоја група/категорија има по 3 прашања. Учесникот има право на две грешки, а доколку направи и трета, заминува дома без парична награда. Помош може да побара на два начина доколку не знае одредено прашање. Првиот начин е да му се јави некому и во рок од 30 секунди да праша за одговор, а вториот начин е да праша било кој случајно сретнат минувач на улица.

Правилата се лесни и забавни, а квизот е во продукција на телевизија О2.

Дани | ТВ Пакет