Дружете се со „Свеќичката Оги“ сабота и недела на ТВ 24

Викенд забава на 24ка со новиот анимиран лик

Секоја сабота и недела наутро во 9.50 часот, ТВ 24 ја емитува анимираната серија за “Свеќичката Оги”. Серијата е во продукција на Дримленд, македонска продукција и сопственик на ланец игротеки која најпрвин ја лансираше серијата на онлајн сервисот Youtube. Преку Јутјуб, а сега и преку фреквенцијата на ТВ 24, сите деца ќе ги следат авантурите на најсимпатичната роденденска свеќичка Оги во земјата на соништата.

Ќе другаруваме со Оги и нејзините пријателчиња како што се Тортичка, нилското коњче Лила и бувот Бубу, со нив ќе се смееме, забавуваме но и ќе научиме по нешто ново. Дечињата ќе ги учат бројките, буквите, боите, формите како и многу други активности кои се важни за нивниот психички развој. Сето тоа низ игра, забава и популарни детски песнички, меѓу кои поголем дел се за првпат испеани на македонски јазик
“Свеќичката Оги” е комбинација од играна акција и анимација, така што во неа се е цртан филм освен главниот лик кој е всушност и новата маскота на Дримленд и со кого децата ќе можат да имаат интеракција во живо, во самите игротеки.

Дани | ТВ Пакет