Пофалби за Алфа – одлична синхронизација на новите серии

Од понеделник до петок во 18.25 часот на Алфа телевизија со емитување започна модерната мелодрама “Врати ми ја љубовта”, која ја раскажува приказната за музичарката Вера, разгалениот Влад и амбициозниот Антон.

Она што е интересно е што за прв пат во Македонија гледаме руска новела, надсинхронизирана на македонски јазик. И особено за пофалба е што надсинхронизацијата на Алфа навистина звучи одлично. “Липсинкот” (синхронизацијата на усните) е на исто рамниште со турски серии, па затоа гледачите лесно e да прифатат и надсинхронизација на рускиот јазик, за разлика од шпанскиот, каде ваков тип на емитување звучеше лошо и неадекватно.

Искусни млади и повозрасни актери се дел од оние кои го позајмија својот глас во “Врати ми ја љубовта”. Палец нагоре за Алфа и идејата да емитуваат руска серија, надсинхронизирана на македонски јазик, која звучи навистина квалитетно и професионално обработена.

Млада девојка, вљубена во богат бизнисмен. Ќе може ли тој да возврати на нејзините искрени чувства, имајќи предвид дека кариерата и сопругата се неговото богатство? Или може згодниот Влад е вистинската љубов за убавата Вера? Од понеделник до петок, гледајте ја “Врати ми ја љубовта” попладне на Алфа.

https://www.facebook.com/ankica.stojanovskamitrovska/videos/10156989607937734/?t=9

Дани | ТВ Пакет