Последна шанса за Сејран и Ферит во финалната сезона на „Женкар“

Откако Сејран се соочи со тешка болест, оставајќи го Ферит да продолжи со својот живот, се оддалечи и скри во нејзиниот свет, далеку од сите.

После две тешки години, утеха и надеж најде во Синан, момчето кое по игра на судбината, стана сведок на нејзината борба.

Во моментот кога ќе треба да се соочи со минатото, кога повторно ќе се врати во Истанбул, Сејран ќе ги изненади сите. Иако, длабоко во себе знае дека не може да живее без Ферит, таа ќе му предложи брак на Синан.

Нејзината сестра Суна, ќе се обиде да и ја објасни тежината на оваа одлука, но Сејран цврсто верува дека го направила вистинскиот избор.

Од друга страна, Ферит, живее две за него тешки години без никаков одговор, зошто Сејран го напуштила? Негова утеха е Дијар, девојката која и покрај сѐ, го прифатила и била рамо на коe можел да се ослони.

Во свет полн лаги, интриги, завист, ќе успеат ли Сејран и Ферит да ја зачуваат големата и искрена љубов, која е нивниот двигател во борбата со минатото, но и сегашноста?!

Од понеделник до петок во 22.15 часот ја следиме финалната сезона на “Женкар” на Канал 5.

Дани | ТВ Пакет