Почетна / МК Сцена / „Поздрав праќам, брате мој“: Чеде Спасиќ има нова песна и спот

„Поздрав праќам, брате мој“: Чеде Спасиќ има нова песна и спот

Пејачот Чеде Спасиќ ја објави својата најнова авторска песна со наслов „Поздрав праќам брате мој“ за која сними и видео запис.

Зад песната „Поздрав праќам брате мој“ како автори се потпишуваат докажаните Сашо Митковски (музика), Орце Зафировски (текст) и Дамир Имери (аранжман). Снимена е во „Икс-Ел Студио“ кај Дејан Момироски кој го направи и мастерот.

– Често на настапите ме прашуваат кога ќе објавам нова песна, па еве, новиот проект е подготвен и верувам дека ќе и се допадне на јавноста. Очекувајте и во наредниот период нови проекти, вредно работиме со тимот, вели Чеде Спасиќ.

Екранизацијата е дело на продуцентот Зати и неговата продукција, а најголем дел од кадрите се снимени во нашиот преубав Охрид и неговата природна убавина.

Како потсетување, Чеде Спасиќ е еден од нашите најбарани пејачи и често патува кај нашата дијаспора во Швајцарија, Германија и Австрија.

Дани | ТВ Пакет

МОЖЕБИ ЌЕ ВЕ ИНТЕРЕСИРА

„Несудена“ на Деан Коцевски – рок балада која ќе ве врати во ’80-тите

Деан Коцевски е ново лице на македонската музичка сцена кој и тоа како има што …

error: Содржината е заштитена!