ТВ Пакет Единствен телевизиски информативен портал во Македонија
Руската мини серија “Баба Ванѓа” пред неколку години беше емитува и во Македонија, и во Србија, и во Црна Гора, а сега повторно на малите екрани. Овојпат, кабловската Нова С со права за овие три земји, ќе ја емитува оваа интересна драма секоја сабота и недела во 18 часот.
Улогата на Ванѓа ја толкуваат пет актерки и тоа Елена Јаковлева (Ванѓа на постара возраст); Ирина Рахманова (на средна возраст); Наталија Николаева (на млада возраст); Дарја Отрошко (на 12 години); и Кристина Пакарина (на 7 години).
Серијата започнува со остварувањето на едно од предвидувањата на Ванѓа, за тешка несреќа во Русија, после настанот ја посетува руска телевизиска екипа. Во групата на новинари вклучена е и една млада репортерка Алиса Варажескаја која е потресена од предвидувањето за потонувањето на руската подморница „Курск“. Ванѓа посакува да зборува само со неа и и го раскажува целиот свој живот. Нејзините способности за предвидување се појавиле откако останала слепа како мало девојче и од тогаш многу луѓе ја бараат нејзината помош.
Нејзината дарба како јасновидец и претскажувач била посебна. Таа видела многу работи и покрај тоа што била слепа, можела да зборува со цвеќињата и да посетува различни места на земјата. Баба Ванѓа ги објаснила своите исклучителни способности, со присуство на невидливи суштества на кои не им го знаела потеклото. Тие ѝ ги давале информациите за луѓето, и нивниот живот ѝ бил како филм пред неа од нивното раѓање па сè до смртта.
Дани | ТВ Пакет
