Смеа, караоке и предизвици во новата емисија со Кате и Ненад

Забава, подароци, интересни муабети, караоке и разни предизвици низ игри, се со една цел, забава и бегство од секојдневните проблеми и дилеми. На ТВ Телма започна новата емисија наречена “Никој како …” како дел од контактно – забавната попладневна програма на Телевизија Телма.

Водителската комбинација, Кате и Ненад, ќе се обидат на забавен начин да ги опуштат гледачите по напорниот работен ден. Меѓу содржините е рубриката „ренде“ во која водителите на хумористичен начин ќе ги „рендаат“ позитивно или негативно јавните личности или настани кои биле актуелни изминатиот период.

Во секоја емисија гледаме познати гости кои ќе одговараат на најразлични интересни прашања, предизвици, караоке изведби на најголемите хитови.

А крајот и последните десет минути од секоја емисија ќе бидат урнебесни. Водителите и гостите на денот се натпреваруваат во игра која ќе биде максимално забавна за гледачите.

Секој работен ден во 17:15 на Телма, Ве чекаат Кате и Ненад да се забавуваме и лудуваме заедно.

Дани | ТВ Пакет