Со „Малите мачиња“, дечињата ќе се забавуваат и ќе учат на Сител

За многумина позната од францускиот кабловски Nick Jr.канал, но сега и на фреквенцијата на Сител телевизија. Секое викенд утро, во рамките на детскиот Банбини блок, ќе се емитува анимираната серија за малите мачиња, надсинхронизирана на македонски јазик.

Серијата ги следи Куки, Пудинг и нивната помала сестричка Кенди. Овие мачиња сакаат да играат, да јадат слатки и да истражуваат за работите околу нив.

Секој ден нивниот испитувачки ум ги води трите мачиња во нови авантури. Со мудрите совети на нивните грижливи родители, мачињата ги решаваат сите проблеми и сè секогаш завршува добро.

Малите мачиња под грижа на нивните родители учат како да размислуваат и да донесуваат одлуки, да сочувствуваат и да бидат пријатели. На тој начин, тие се обидуваат да го направат светот подобро место за нивното семејство и пријателите.

Дани | ТВ Пакет