Телма во прајмтајм ја емитува шпанската драма „Знам кој си ти“

Маж на возраст од околу 55 години се појавува како оди по пуст автопат… Од неговата искината облека и повреденото лице изгледа дека доживеал несреќа, но не може да се сети кој е и како стигнал таму. Тој нема лична карта, нема мобилен телефон или нешто што може да го идентификува. Има тотална амнезија.

Неговото име е Хуан Елиас, успешен кривичен адвокат со аспирации да стане декан на универзитетот и учител на најбараниот магистерски курс по етика во земјата. Тој има 19-годишен син кој му се восхитува и бунтовната 11-годишна ќерка, и двајцата од бракот со судиката Алиша Кастро. Нивната врска e заснована на повеќе од само љубов; се заснова на искреност и целосно соучесништво.

Сега, лекарите му препорачаа на Елиас да си оди дома и да се надеваат дека враќањето во познатото опкружување ќе му помогне да го подобри сеќавањето. Тој се враќа дома за да открие каков тип на сопруг и татко бил порано и да ги обнови емоционалните врски што некогаш ги имал. Ова нема да биде лесна задача за Хуан Елиас. Тоа нема да биде ниту единствениот предизвик со кој треба да се соочи.

Кога полицијата ги наоѓа остатоците од автомобилот на Елиас, го пронаоѓа и мобилниот телефон на неговата 23-годишна внука, Ана Саура. Таа била негова ученичка и исчезнала истата ноќ кога се случила несреќата. Сите докази укажуваат на фактот дека Елијас ја убил. Сега ќе мора да најде начин да ја докаже својата невиност, иако и самиот не е сигурен дали е виновен или не.

Од понеделник до петок на Телма се емитува шпанската драма “Sé quién eres”.

Дани | ТВ Пакет