ТВ Пакет Единствен телевизиски информативен портал во Македонија
Воениот ветеран Дејвид Бад наоѓа работа како полициски наредник во Метрополитен полициската служба во Лондон, во огранокот за кралско семејство и специјалистичка заштита. Тој е назначен да ја заштити министерката за внатрешни работи, пратеничката Џулија Монтег, контроверзна и амбициозна политичарка која еден од нејзините помошници ја опишува како „социопат“ и која има планови да воведе инвазивни нови овластувања за надзор на безбедносните сили.
Согледувајќи дека има сосема спротивни ставови за политиките и личноста на Монтег, справувајќи се со физичките и психолошките лузни од времето кога служел во Авганистан, нестабилниот Бад е растргнат помеѓу своите верувања и неговата должност да ја заштити министерката.
Оваа британска ТВ серијата привлекува внимание кон контроверзните прашања како што се владиното следење на приватните информации и нивното регулирање, политиката на интервенција и тероризам.
Беше дочекана со признанија од критичарите, особено за изведбата на Маден, доби бројни номинации за награди, вклучувајќи ја и наградата Златен глобус за најдобра драмска телевизиска серија, а Маден ја освои наградата Златен глобус за најдобар актер во драмска телевизиска серија. На 71. Primetime Emmy Awards, серијата беше номинирана за извонредна драмска серија.
Мини серијата ќе се емитува од понеделник до четврток на Телма во 22.15 часот.
Дани | ТВ Пакет
