Турскиот Џејсон Момоа во „Животот е убав“ на Дизи каналот

Серијата со мегапопуларните турски ѕвезди Алги Еке, Екин Мерт Дајмаз, Бурак Челик и Ојку Челик донесува навидум едноставна приказна.

Двајца браќа од градот се заљубуваат во иста жена кога ќе пристигнат во село на брегот на Егејското Море. Саваш и Бариш, бегаат од Истанбул со целото семејство, поради финансиски измами. Во селото каде што се кријат, ја запознаваат Зарифе (Алги Еке), преубава едноставна девојка која брзо успева да ги освои двајцата мажи.

Но, која приказна во една турска серија е едноставна? И во овој случај, гледачите и љубителите на жанрот „дизи“ нема да бидат разочарани! Од љубовниот триаголник се раѓа вистинска романтична приказна.

Зарифе воопшто не е подготвена да го направи конечниот избор поради што серијата е полна со смешни ситуации, со хумор генериран од очигледниот контраст помеѓу ликовите на жителите на градот и селаните, а она што на почетокот изгледа како шега брзо се претвора во нешто многу, многу сериозно.

Алги Еке, водечката актерка во серијата има 36 години има успешна кариера во Турција, играла во 7 играни филмови и има глумено во десет успешни ТВ серии.

Екин Мерт Дајмаз, кој го игра Саваш во серијата, ја започна својата кариера во шоуто „Најдобар модел на Турција“ во кое што беше забележан по неговата егзотична убавина. Игра во преку десет ТВ серии и сѐ уште е „студент“ на Универзитетот Халич.

Ако Дајмаз е згоден, публиката вели дека Бурак Челик е уште позгоден. Ги освоил титулите „Најдобар модел на Турција“ и „Најдобар модел на светот“! Тој го игра Бариш, другиот брат вљубен во Зарифе и неодамна изјави дека би сакал да го глуми Кал Дрого во серијата „Игра на тронови“! Впрочем, тој од одреден дел од турските медиуми го доби прекарот „Турскиот Џејсон Мамоа“.

Дани | ТВ Пакет