Зошто уредништвото на Телма репризира серии во ек на сезона?

Наместо премиерна програма, во ек на телевизиска сезона, Телма телевизија реши да репризира странски серии, емитувани минатата сезона на нивната фреквенција.

Па така, термините од 20.30 часот и 23.30 часот се пополнуваат со репризи на веќе емитувани серии.

Доколку споредиме со другите национални телевизии, во 20.30 часот ниту на МРТ ниту на Сител ниту на Канал 5 не се емитува репризна содржина во прајмтајм, додека пак и во полноќните термини одат премиерни американски полициски серии на Сител и премиерни американски филмови на Алфа.

Што се случува со Телма и зошто е оваа програмска ситуација ваква? Дали телевизија Телма знае што се ударни термини во телевизиска сезона и дека истите на сите сериозни телевизии во регионот и светот се опфатени со премиерна програма (серии, формати)?

На страна нашите телевизии, дури и сите телевизии во регионот и во доцните ноќни термини емитуваат премиери. Па така, на Нова, RTL и ХРТ во Хрватска по 23.30 часот одат премиерни филмови …

… во Бугарија е слична ситуацијата со премиерни американски серии и филмови, а да не зборуваме за другите европски телевизии.

И за напомена – освен сериите, во текот на денот на Телма се репризираат и квизот “Заврти на Телма” и шоуто со Кате и Ненад.

Дани | ТВ Пакет